®¾¢»منتديات علي الرومانسي«¢¾®
انت لم تسجل في منتديات "علي الرومانسي" للتسجيل في المنتدى اضغط على زر التسجيل
®¾¢»منتديات علي الرومانسي«¢¾®
انت لم تسجل في منتديات "علي الرومانسي" للتسجيل في المنتدى اضغط على زر التسجيل
®¾¢»منتديات علي الرومانسي«¢¾®
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى عراقي عام وشامل و كل ما تحتاج اليه تجده في منتديات علي الرومانسي
 
الرئيسيةالبوابةأحدث الصورالتسجيلدخول

 

 اروع الابوذيات حصريا من علي الرومانسي

اذهب الى الأسفل 
كاتب الموضوعرسالة
علي الرومانسي
مسؤول منتـ علي الرومانسي ـديات
مسؤول منتـ علي الرومانسي ـديات
علي الرومانسي


المشاركات : 147
تاريخ التسجيل : 22/03/2011
العمر : 32

اروع الابوذيات حصريا من علي الرومانسي Empty
مُساهمةموضوع: اروع الابوذيات حصريا من علي الرومانسي   اروع الابوذيات حصريا من علي الرومانسي I_icon_minitimeالإثنين سبتمبر 19, 2011 7:54 am



انة من الجرح ماخاف .. لوسال
يراه شامت واخاف شلون لوسال
سيفك بالجذب لعداي .. لوسال
علي هد واكولن هد الية


--------------------
وكان شعجب زعلت .. من ايّان
وشوف شصار بية .. من ايانة
انة شعجب يزعل .. مني انة
وعلية شعجب يزعل من علية

----------------------
انة الما يوم عاذل .. ملكيتة
وابد ما امل زماني .. مل لكيتة
يريدوني اهدّة .. من لكيتة
اعمة وجلبّت شيفك ايدية

--------------------
انة من سنين احبك .. هايم انة
وكل حسرة بدليلي .. هايمانة
يكلبي انطيني جفك .. هاي امانة
حبيبي بمهجتك ضمّة الية

------------------
منهو الكدرك يا زين ..من ساك
يبو ثغر البعود الارك .. منساك
انة بحتف المناية وكلت .. منساك
بنهر جسام وذكرك عصف بية

---------------------

زماني بفركتك حزين .. حزنة
وعلى كل الحزن والنوح .. حزنة
تعال على الدليل وشوف ..حزنة
مغيم ما صفة ومخبوط ميّة

-------------------
وحك هموم البصدري .. والاكراب
الماي بغيبتك صدك .. ولك راب
الي رب اليصبرني .. وألك رب
اليفجعك بالعليهم خنت بيّة

---------------------
تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية

---------------------
شنفعني الجو يا صحاب .. من خلالي
اخذ ربعي واخوتي .. من خلالي
كثيرة ذيول عبرت .. من خلالي
الزلم واشباههة عبرت علية

---------------------
انة المكسور دومي .. من لحمني
اسد خيوط ربعي .. منلحمني
ابي وما كلت روحي .. من لحم ني
تلحك تستوي وتنطيهة ادية

-------------------

روحي من المصايب .. ناخ ذلهة
شفت عزهة بمذلة .. ناخي ذلهة
اكو وادم تحية .. ناخذلهة
وهي الجتالنة تاخذ تحية


----------------
سلطان على روحي .. من يعللك
يالعاذل بهمي .. من يعللك
لا تمن بدهرك .. من يعلك
ترة بنفخة هوة ترد للوطية

----------------

علي ما افضل احد .. وانتة افضلك
واهد وافزع واثورن .. وانتفض لك
يبيك شلون خانوا .. وانتة فضلك
عليهم مثل فضل امي علية

------------------
كلبي ما لعب غيرة .. لعابة
واحسن شفة لامراضي .. لعابة
سبحان الذي صاغة .. لعابة
ونفخ بي روح حتة يعم علية

--------------------
يمن وجهك بنص الليل .. لالة
شنو امك بالنساوة اشتهت .. لالة
من اكرّب ليك ليش تصيح .. لالة
خايف لا تموع ابين ادية

--------------------
امش مملوح غيرك .. يمشي فاهي
وعجز يوصل الوصفك .. يمشفاهي
لون تدنة شفاهك .. يم شفاهي
الزك من تحط جيلات بية

-----
وحجابك هذا لو قطعة .. من الغيم
ويحفظك يا ترف ربي .. من الغم
دكضني خلصت كصتي .. من الغم
من اشوفنك تصير جنون بية

---------------------
من الفرح ما ظل .. شايبانة
ووكتنة من زغرنة .. شايبانة
تشوفيني يعمي .. شايب انة
ابيض راسي بس روحي طرية

------------------------

صفنتلهة وضربت اخماس .. بسداس
وتعبت على البنيتة وياك .. بسداس
صحيح انة لعبت وياك .. بس داس
غلبتني بطيبتي العمت علية

-------------
هاك خيوط روحي .. هاك ابرهة
ولو صاير بحرهة .. هاك برهة
الك حسرة بدليلي .. هاكبرهة
علي ثكلت مثل ثكلك علية

--------------------
طلبتك ما كلتلي ابشر .. ولا هاك
شلهاك وغيرك عني .. ولهاك
ضميرك لازم يألمك .. والهك
هم يحاسبك باجر علية

--------------------
وكلت مرخوص فوك الجسد .. عدي
وجم مرة تزل ونكول .. عدي
احس مرات كل الصوج .. عدي
انة الغلطان رهّيتك علية

------------------
وثيقة بكل فخر كلبي .. وثقلاك
جبل ما شفت باخلاقك .. وثقلاك
الك يرخص دمع عيني .. وثق لك
الكلب لمن يدك يوكع بدية

----------------------
صار الكلب كاسك .. وانتة كاسة
والميحبك خسارة .. وانتكاسة
لو العب ابدوري .. وانتة كاسة
اشيلك حتة لو خسران مية

--------------------
هاك اشعل كلب كلبي .. ووج هاك
على حالي راح اعلمنك .. ووجهاك
بشالك من تلف شعرك .. ووجهاك
تلف روحي مثل لف المنية

-----------------
اعترفت بعضمت لسانك .. وقريت
شمالك عتعتت هسة .. وقريت
انة العلمتة القراية .. وقريت
وهسة يريد يقراهن علية
----------------------
عمري تيهيتة وضاع .. سني
كبرت وطاح من كدامي .. سني
شيعي وجيف احبة صرت .. سني
وتيهت الخمس والمرجعية

------------------
مجلّب لا رضة يهدني .. ونهدة
ولا ساعة الرضة نكعد .. ونهدة
ابوس بي من شفتة .. ونهدة
وصلت للصدك بدل علية

---------------------
رياض الوادي
تعال اكعد نصفي الألك .. واللي
وعلية النوب ياهو تريد .. ولي
كلتلة خل ابوسك كال .. ولي
شنو تبوسني تنّك علية
ـــــــــــــــــــــــــــــــــــــــــــ


الك مملوء دلالي .. والة هجاء
ونسيت الحجي من شفتك .. ولهجاء
حروف الابج وهوز .. ولهجاء
يدكن لو كتبت اسمك تحية
ـــــــــــــــــــــــــــــــــــــــــــ


جذب جفي بعدكم .. يومي لأحّد
وهواكم وين حدة .. يو ملا حد
انة لو ما اجيكم .. يوم الاحد
الثنين من الصبح لطموا علية
ـــــــــــــــــــــــــــــــــــــــــــ


زاد بكلبي شوكك .. وانتة قل بي
ووصل للراس حبك .. وانتقل بي
احب شلون غيرك .. وانتة قلبي
وانة بكلبي احبن مو بدية
ــــــــــــــــــــــــــــــــــــــــــــ




اكوم اجلالن لحسنك .. واقف لك
واسجل كلبي يا خلي .. وقف لك
واحطك بي واقفلنة .. واقفلك
واطب بصدري واقفلكم علية
ــــــــــــــــــــــــــــــــــــــــــ


وياك بلشت بلشة .. يابلاشي
وحسافة طلعت عدك .. يابة لا شيء
بثمن يوسف بعتني .. يا بلاشي
وقميصي اربع جهات انقد علية
ـــــــــــــــــــــــــــــــــــــــــ
نائل المظفر
تدري شكد الك كلبي .. ولع ضام
صغار جروحي يهونّك .. والعظام
اموتن وندفن واعتك .. والعظام
يزحفنلك زحف لو صحت الية
ــــــــــــــــــــــــــــــــــــــــــ


مدري العيب عندك .. مدري عدي
ومدري غلط عدّك .. مدري عدي
مدري اوكف واطالب .. مدري أعدي
واكولن ينصلح ويرد الية
ـــــــــــــــــــــــــــــــــــــــــــ


السعادة من اجيبنهة .. والافرح
وعلى الخوان راح اصفن .. والف راح
الف عدموه والف سجنوه ..وألف راح
واتاني وما رجع واحد علية
ــــــــــــــــــــــــــــــــــــــــــــ
رحيم المالكي
وفيت وية الربع محد .. وفالي
وياهم خاب كل ضني .. وفالي
خشب فول الربع وتدج .. وفالي
حديد وحرش كسرتهة من ادية
ــــــــــــــــــــــــــــــــــــــــــــ


بس احنة المصايب .. صاحبنّة
لان كلساعة ندفن .. صاحب النة
ابنة المات محد .. صاح ابنّة
خاف نصيح ويعدمون اخية
ـــــــــــــــــــــــــــــــــــــــــ


وليت اغم وكتي علي .. ولاج
وصرت لكمة بحللك شمات .. وانلاج
بعض مرات صح انضنك .. ولاج
بس انخي علي تفرج علية
ــــــــــــــــــــــــــــــــــــــــ




يلبهمك ملابس .. لابستني
وثوب الحزن بيدك .. لابستني
رحت لا صالحتني .. لا بستني
ولا كتلي جذب حقك علية
ــــــــــــــــــــــــــــــــــــــــــــــــ


العمر ماي وتبدة كلف .. لمّة
وعلي نكبات هجرت صفت .. لمة
كلتلة شوكت تفرح كال .. لما
اشوف جنازتك تمرك علية
ـــــــــــــــــــــــــــــــــــــــــــــــ
ستار اللامي
تسودن دهري وعضني .. برحّاه
واصيح احاه خلاني .. برة احاه
عضتة ما كفت حطني .. براحاه
حنت راحتة وما حن علية
ـــــــــــــــــــــــــــــــــــــــــــــــ


اريد الزم خديدك .. واشتمنة
واريد انعل ابيك .. واشتمنة
تدري شراد كلبي وشتمنة
على صدرك اموت وهاي هية
ـــــــــــــــــــــــــــــــــــــــــــــــ


اطلبة وأجة وفّاني .. سواه دين
شدهني وصارت براسي .. سوادين
يحقلي احزن عليك البس .. سوادين
الوجه والثوب اصبغهن سوية
ــــــــــــــــــــــــــــــــــــــــــــــــ


انة الما يوم خلّة وياك .. خليت
شجاك وبالظهر سجين .. خليت
شعندي وشبعد يا ترف .. خليت
صفة حتة البدي هم موش الية
ـــــــــــــــــــــــــــــــــــــــــــــــ


اوعي بالضماير ردت .. يوعان
طحت ما شفت واحد كام .. يو عان
بدي وكلت اخوي الجان .. يوعان
مسح حلكة بقميصي وعض ادية
ــــــــــــــــــــــــــــــــــــــــــــــ


ساعة الوكت مشراكة .. سعافاي
وعلي بجفاك ما تلحك .. سعافاي
جنت نخلة ويفيي الهم .. سعافاي
وعلى كرصة خبز جيموا بية
ــــــــــــــــــــــــــــــــــــــــــــ




ارضعتني الدنية همهة .. من اهدهة
طحت والطيحة طيحة .. من اهدهة
والله بصدري حسرة .. من اهدهة
ابجّي المن صخر كلبة علية
ـــــــــــــــــــــــــــــــــــــــ


البشر معدن تعرفة بيوم .. ينحاك
يوم التوكع ومكسور .. ينحاك
علي خيط المصايب كام .. ينحاك
والتكتلك اخوي الحاكة الية
ـــــــــــــــــــــــــــــــــــــــ


طبع بية ابد ما اذم .. ولاداس
وجدمي ما خطة الشينة .. ولا داس
لذلك ما ربح حضّي .. ولا داس
وصفة حتة الربح خسران الية
ــــــــــــــــــــــــــــــــــــــــــــــ


الدنية شكد احبنهة .. وابرهة
تزرفني بمخايطهة .. وابرهة
جاعت ناكتي واكلت .. وبرهة
الدرب طول واخاف ترد علية
ــــــــــــــــــــــــــــــــــــــــــ


عليمن تحسب اخطائة .. تعد له
الميت بالبجي شتظن .. تعدلة
العوج عودة صعب ظلله .. تعدلة
يظل اعوج لما تلفة المنية
ــــــــــــــــــــــــــــــــــــــــــــ


العواذل حبلة بية دوم .. طالق
سهم بعيونهم للموت .. طالق
بعد ماخاف كلت للخوف .. طالق
الشجاع يموت والروحة رخية
ــــــــــــــــــــــــــــــــــــــــــ


المصايب غير كلبي .. مالهنة
وابد عنك يصاحب .. ما لهنة
دمعي عليك الاصلي .. مال اهلنة
ودمع تمساح من تبجي علية
ــــــــــــــــــــــــــــــــــــــــ


بحرك كمت دورتة .. وبرك
بعد ما ينفع ايمانك .. وبرك
اذا مخيط الك نابت .. وبرك
وشم دكن بصدري من الاذية
ــــــــــــــــــــــــــــــــــــــــــ




كبل من اصل طيب .. فرعينة
وهسة العكل طاحت .. فرعينة
الوكت يخزر علية .. فرعينة
درت عنة وبقت عينة علية
ــــــــــــــــــــــــــــــــــــــــــ


يا دنيا وياي بعد وبعد .. جدي
وعلي صيحي بعالي الصوت .. جدي
هجمتي بيت ابوي وبيت .. جدي
وانة بلا بيت شتهجمين الية
ـــــــــــــــــــــــــــــــــــــــــــ


أشّفنة من عمرنة .. شفتهمنة
وهمنة كبال عينك .. شفتة همنة
ذبحنة وفوك ذبحة .. شوف تهمنة
يكلهم بالذبح تعبولي ادية
ـــــــــــــــــــــــــــــــــــــــــــ


احباب الروح كلبوا فرد .. كلبة
ووكتنة بلون نص الليل .. كلبة
دفعني وانكلبت شلون .. كلبة
وسحكني ومن عثر ضل يسب بية
ـــــــــــــــــــــــــــــــــــــــــــ


يدنية كافي دخنة .. شرّطينة
وشرط سجين بيدج .. شرطينة
نشف ماية عمرنة .. شري طينة
دخل يلحك بماية وهاي هية
ــــــــــــــــــــــــــــــــــــــــــ


شفافك عسل وحصتي .. مرة منهن
وكطعلي جلاي سهمك .. من رمنهن
وجم مرة لحكتك .. مرة منهن
مو انتة طلعت وشصار بية
ــــــــــــــــــــــــــــــــــــــــــــــ


يكلبي ما نفع تعبك .. ولا رباك
وحصتك صارت الدوخة .. والارباك
بطريقك بعد ما اعاين .. ولا ارباك
من اطيعك هم تردني الحفر حية
ـــــــــــــــــــــــــــــــــــــــــــــــ


ــــــــــــــــــــــــــــــــــــــــــــــــ



لان دكات شماتي .. بهاماي
وشل لا تظن عيني .. بها ماي
اذا عالذل رضة يبصم .. بهامي
اكطعة ان جان يرضالي بردية
ــــــــــــــــــــــــــــــــــــــــــ

اسكت لا تظل تشكي .. بهاماك
وتلوم الروح وتعضعض .. بهاماك
اخذ طبع النخل وارفع .. بهاماك
واذا بالطين عركك هاي هية
ــــــــــــــــــــــــــــــــــــــ

انة الواضح والمبين .. ولا خاف
وانة الما رجفت جدامي .. ولا اخاف
وانة الما نكص وزني .. ولا خف
اختفيت وخفت خف وزن العلية
ــــــــــــــــــــــــــــــــــــــــــ




حميتك دافعت عنك .. ورحماك
الطعن اهون ولا الوذن .. ورة حماك
كلت اوليك ما اعوفك .. ورحماك
وليت وطيبتي العمت علية
ـــــــــــــــــــــــــــــــــــــــــ


حبيبي جروح الك بالروح .. حالن
وامس جنت احسن من اليوم .. حالن
اريدك تنتخيلي وتمر .. حالن
باجر وين ما تلحك علية
ــــــــــــــــــــــــــــــــــــــــ


مهلة انطيني واصبرلي .. لعلماك
اخاف تكول ما يدري .. لعلماك
انة السارية الواكف .. لعلماك
من اطيح تطيح خركة على الوطية
ـــــــــــــــــــــــــــــــــــــــ


اتّنخة تريد اجيك اليوم .. بالحال
وانت اعرف حبيب الروح .. بالحال
شمحلهة وياك ما تقتنع .. بالحل
ادليك الدرب وترد علية
ــــــــــــــــــــــــــــــــــــــ


الحزن لايك على كلبي .. ويا فت
فت حيلي ومعا شوفي .. ويا فت
عبّت وانتهت كلش .. ويا فت
اشم بالذيل والراس البلية
ــــــــــــــــــــــــــــــــــــــ




طبعك مو شجي وكتلك .. شجي آني
شجنيت وياك شو كللي .. شجاني
امس جنت انحضن وانشم .. شجاني
كنفذ والحضن حسرة علية
ــــــــــــــــــــــــــــــــــــــــــــ


نهر خيري طفح لتكول .. زل ماي
شجاهة وما تردلي الثار .. زلماي
يمشيني على راية شلون .. زلماي
ولا جني ابن حامي الحمية
ـــــــــــــــــــــــــــــــــــــــــــ


طار وما كلت للناس .. عالطار
وشسولف عالجرح بالكلب .. عطار
جنت وياك شايل خلك .. عطار
طفل ما تشتري وتلعب علية
ـــــــــــــــــــــــــــــــــــــــــــ


حبيبي بيا بخت وياي .. شديت
وعدة هجرك الي شقدمت .. شديت
باصبعك حتة تذكر خيط .. شديت
انحصر دمك ولا فكرت بية
ـــــــــــــــــــــــــــــــــــــــــ


مشغولين بيمن .. من شغلكم
ولو مو شغلي هذا .. من شغلكم
بعد ما راح ابيجي .. ومنشغلكم
اموتن راح واخصمهة القضية
ــــــــــــــــــــــــــــــــــــــــــــ


اليحبونك لصدك .. لا تسلهم
وابد عن سبب حبك .. لا تسلهم
من احجي وياك عفية .. لا تسلهم
احس تاخذ الروح بغير جية
ـــــــــــــــــــــــــــــــــــــــــــ


بسواد العين يسمر .. من ترابي
شعجب كلبك تغير .. من ترى بي
انة ما ظن ترابك .. من ترابي
حضنتك والعسل جلّب بدية
ـــــــــــــــــــــــــــــــــــــــــــ


سلالتكم نسب يوسف .. نسبهة
الدنيا بلاية نضراتك .. نسبهة
الوادم مية بالمية .. نسبهة
بس نسبة جمالك سبعمية
ــــــــــــــــــــــــــــــــــــــــ





عليك الليل كلة .. انة وانة
ومعاك العتب هسة .. ان اوانة
اتهدد بالنفاهة .. انة وانة
وينك مو طفك دهري علية
ـــــــــــــــــــــــــــــــــــــــــ


نبي ونجبر خواطر .. من يبينة
وسر موج البكلبي .. منية بينة
اذا مرة انتخينة .. من يبينة
نهد العالية بعلو الثرية
ـــــــــــــــــــــــــــــــــــــــــ


العلية غير اهلهة .. من علاهة
وروحي خسة الكللك .. من علاهة
بعزم الله نخلتي .. من علاهة
يراموهة بحجر وتظل سخية
ــــــــــــــــــــــــــــــــــــــــــ


انة روح الليالي .. مرسنهة
اصيلة انتة تعرفهة .. من رسنهة
سيوفي مغمدتهة .. مرة اسنهة
ركاب عداي مبردهن وادية
ـــــــــــــــــــــــــــــــــــــــــ


اعلل بالوصى وروحي .. علني
سوالفكم بدلالي .. علني
ليالي الجنت صادرهن .. علني
وغدت عجلة مخالبهن علية
ـــــــــــــــــــــــــــــــــــــــــــ


يكلبي شكثر يحمل بعد .. يملاك
تعدى والعقل بالصبر .. يملاك
ابن ادم لو ملك قارون .. يملاك
وبلا اخلاق ما ينشرب مية
ـــــــــــــــــــــــــــــــــــــــــــ


الشوك وياك صدفة .. قابلاني
وشيجري علي منك .. قابل اني
تقشمرني بضحكتك .. قابل اني
غشيم وتعبر الضحكة علية
ـــــــــــــــــــــــــــــــــــــــــــ


ها تعبي حبك .. ها اذاني
دخت اه يا صلاتي .. هاي اذاني
اكول التوبة ما احب .. هاي اذاني
اهد ذاني ويرد حبك علية
ــــــــــــــــــــــــــــــــــــــــــــ




عسل وبحلكي وكتي .. مر جعلكم
ومرجعكم بكلبي .. ومرجع الكم
جنت آية بهواكم .. مرجع الكم
خذيتوا منين فتوة وخنتو بية
ـــــــــــــــــــــــــــــــــــــــــــــــ


وحك البالمهد ربة .. وحالة
الدنية وياي للهامة .. وحالة
صديقي هد علي جلبة .. وحالة
الجلب رد وصديقي الهد علية


الرجوع الى أعلى الصفحة اذهب الى الأسفل
https://aliromanci.own0.com
 
اروع الابوذيات حصريا من علي الرومانسي
الرجوع الى أعلى الصفحة 
صفحة 1 من اصل 1
 مواضيع مماثلة
-
» اروع صور الطبيعة حصريا من منتديات علي الرومانسي
» صور من تركيا حصريا من علي الرومانسي
» صور دالي 2011 حصريا من علي الرومانسي
» صور الطبيعة في تركيا حصريا من علي الرومانسي
» حكيم يحب عليه حصريا من منتديات علي الرومانسي

صلاحيات هذا المنتدى:لاتستطيع الرد على المواضيع في هذا المنتدى
®¾¢»منتديات علي الرومانسي«¢¾® :: القسم الادبي :: منتدى الابوذيات و الدارميات و الزهيري-
انتقل الى: